يا ابن الوطن ترى هرجهم طيش وهبال

سميت باسم اللي بسط سبع باجبال
اللي رفع سبع بليا جبلها
رب الملا علام ما دار بالبال
واللي بخافي نيتي ماجهلها
ومن بعد ذكره قلت ابا ذكر للاجيال
حقايق صاح الفكر ما هملها
يا ابن الوطن تر هرجهم طيش وهبال
واللي سمع هرجاتهم من جهلها
ويش عاد لو حطولها الاسم منزال
اسمه عكس حقايقه ما نزلها
يا قالوا الاصلاح من الاسم تهتال
اسم جذب سمع البشر ما ذهلها
الماء الزلالي لو يقارن بزلزال
كل ظما خوف يزل بزللها
والجحر لو قالوا بداخله الأموال
لا تصدقه والداب هو من نزلها
والحر ما ينهد على بعض الأجوال
ما يطلعه لو ناطحه ما شغلها
هذي حقيقة من تذراء بالازوال
وشخصية الاصلاح هو ينتحلها
ترى الصلاح بحكم اللي حل الاحوال
اتبع رضاه وراية الحق شلها
اللي حكم بالشرع هو شرع الاعدال
شريعة الإسلام كل قبلها
الله يعز اللي على العز مازال
حكم آل سعود ولا رضينا بدلها
حنا لخو نوره كما زامي الجال
واللي عطا عهد لسانه جملها
لسانك حصانك لا تعدلت ما مال
وحنا حفظنا حصاننا عن ميلها
اللي على سرجه من الناس خيال
عن العنان ولا طراله زملها
رضا عايد الزميلي الشمري