شوفتك سالم تسرّ البال ياجعل السلامة فالك

يا أبو متعب دام عزك دام خيرك جمّل الله حالك
الجزال من القصايد يابو متعب تستوي وتجيلك
والله أنك ياملكنا ساكنٍ وسط القلوب الحالك
أنت نبضٍ للقلوب وحبها وأخلاصها صافيلك
جعل ماصابك طهور وينكتب فالصالح من أعمالك
أفئدة مليار مسلم بالشفاء والعافية تدعيلك
الوطن من فرحته يا أبو اليتامى والأرامل جالك
يحمل آيات التهاني بأسم كل الشعب جاء يهديلك
شوفتك سالم تسّر البال ياجعل السلامه فالك
دامك أنت بخير حنا بخير وأفواج الغلى تمشيلك
أنت تامرنا وحنا كلبونا يا الحبيب أعيالك
المشاعر بالمحبه والولاء ياسيدي تحكيلك
أنت غيثٍ للقلوب المجدبه ما ينقطع همّالك
القلوب تهيم في حبك وجودك والعيون اتخيلك
أنت ما أحدٍ يشبهك ف أقوالك اللي ترجمتها أفعالك
أشهد أنك ياحبيب الشعب نادر في زمنك وجيلك
المواطن والوطن والدين في قلبك ويشغل بالك
حافظه في قلبك المؤمن مثل تسبيحك وتهليلك
ويا أبو متعب دام عزك دام خيرك جمّل الله حالك
الجزال من القصايد يا أبو متعب تستوي وتجيلك
عبيد البديري