تباشرت شبه الجزيرة وأهلها

غنت على غصن الاماني تباشير
وتباشرت شبه الجزيرة واهلها
وزان القصيد وغردن العصافير
كن القصايد جملة من جملها
وتدفقت من ذوق حسن التعابير
مثل الخلية لا تدفق عسلها
وطمت بحر وإلا البحر طمها مير
مجي أبو متعب وطنا كحلها
فرحة وطن بين المواطن والامير
قلوب غلاك من التواضع دهلها
على مطار العاصمة والتقارير
عبر الفضا كل بدوره نقلها
تواكبو حب وكرامه طوابير
قبل يحول فالمدرج جملها
وعم الفرح والخير نجد المشاهير
من يوم حول فالمطار وصلها
من حبه الله دبره خير تدبير
وانت العرب ماضي وحاضر واملها
حتى الخزامى والنفل والنواوير
عليك يا عبدالله الخير والها
مساك هذا غير والمملكه غير
ممشاك فيها حلة من حللها
حللت في دارك على العز والخير
يانجل أبو تركي معزي بطلها
طهور يا صقر الجزيره وتكفير
شعب الجزيره قالها وانت قلها
نايف بن عبدالله بن شعمل السهلي