سجة ومقيال

لي بالخلا جلسة .. وسجة.. ومقيال
تسوى القصور اللي بوسط المدينة
هذا منى قلبي وهذا هوى البال
انسى التعاسة .. والشقى .. والغبينة
وآخذ مع اهل العز والطيب فنجال
لاهان رجل قدمه في يمينه
صعب علي اكبها واجمع المال
من وكل والله ياجماعة يعينه
المال عذب قبلنا اجيال واجيال
وكم واحد قد عذبته سنينه
وأنا يكفيني عن المال رجال
صدوق .. صادق والصداقة ثمينة
وقت الرخا يصفون لك حتى الانذال
ووقت الشدايد يدفعونك رهينة
الخيل ماينفع لها كود خيال
والمعرفة تبغى العقول الرزينة
والخاتمة للبر سجة ومقيال
وتزهبو للكيف ياعاشقينه