اللغز

الأسبوع الماضي كان لغز الأسبوع من طرح الشاعر عبدالله علي الحوشاني من الرياض والذي يقول:
شي مع الإنسان يعمل على طول
ليل ونهار ملازمة في حياته
ان زاد شغله أو نقص صرت مشغول
تفعل له اسباب تجدد صفاته
وكانت حلول الشعراء:
اهلا بكم يا طيب الفال ونقول
يا مرحبا باللغز هو وكلماته
الحل قلب دائم الوقت مشغول
ياللي طلبت الحل هذي صفاته
علي رشيد الرشيد - رياض الخبراء
القلب حل اللغز جبته على طول
ياللي كتبت اللغز بانت صفاته
مادمت حي القلب ينبض ومشغول
والرب يعلم سيئته واحسناته
محمد أبو دحيم - البدائع
انا رمعت القلب وقول وقول
هذي صفات القلب هذي صفاته
عزي لقلبن كل الاوقات مشغول
هو يشتغل مابين وده وهاته
سعد صنهات السهلي
مبروك لاهل العيد في اخر الحول
عداد ماخط القلم من دواته
طول الحياه القلب بالدق مشغول
واذا وقف صاحبه يعلن مماته
سعود عائش التميمي الحربي - القاهرة
كما توصل للح نثراً:
عقلاء مثقال العبدلي - الفويلق، ربيع سالم العبدلي - الرياض.
لغز الأسبوع من طرح الشاعر عبدالكريم الراشد التميمي من الغزالة ويقول:
ياهل الالغاز من يرمع اللغز الثمين
كار من جابه يقلط على فاله خروف
شايب عمره وصل فوق سبعين السنين
عياله العشرين واربع لهم نفس الظروف
وآخر عياله ماهو شقيق السابقين
اختلف بالاصل والفصل والاسم معروف
نستقبل الحلول على الفاكس (4871070) ويفضل الارسال عبر الايميل rb-khozama@alriyadh.com كما نرحب بطرح الألغاز الجيدة.