الأسبوع الماضي كان لغز الأسبوع من طرح الشاعر عبدالمحسن بن محمد المحيسن من رياض الخبراء والذي يقول: يا ويش رجل ثبتوه النشاما في ماقع باقصى يمينك تشوفه والعمر عام واحد بالتماما وعياله العشره وواحد تحوفه وقد توصل للحل شعراً: سر يا قلم وكتب حلولي قواما اكتب حلول اللغز واحذر تفلوفة الفحص حل اللغز والعمر عاما الفحص حلة والرموز معروفة سلطان بن حمد الحبابي - الطائف يا مر حبابك عد ما الطير حاما واعداد ما خط القلم من حروفه اجيب حل اللغز واهدى سلاما وهو تراه الفحص هذي وصوفه علي رشيد الرشيد - رياض الخبراء سلام يا ربعي هواة الخزامى واخص مبدع لغزها في حروفه رمعت حل اللغز يابن الكراما ستكر فحص دوري وساهر يشوفه عبدالعزيز علي الصالح - حائل اكتب جوابي واختمه بسلاما ولغزك عرفته من مواقف حروفه الفحص وتامين هذا نظاما يشوف شين يجهلك ما تشوفه سعد صنهات السهلي - الدرعية اللغز يالمحيسن عزيز السقاما استيكر الفحص الدوري يمينك تشوفه باعلى زجاجة موتري والسلاما واطيب تحياتي وصادق حروفه ناصر مسامح الشملاني - الرياض ابشر بحل اللغز ضمن النشاما الفحص حله بالمواتر نشوفه سته وست شهور عمره تماما الاستكر احد شهوره تلوفه شهد بنت صالح المفضي - البدائع هات الجريده واقرها بالتماما يا دحيم فيها لغز ودى نشوفه بعد قريت اللغز والعمر عاما الاستكر للفحص عام ونلوفه عبدالرحمن أبو دحيم - البدائع لغزن لقيته واضح بالخزاما والحل فحص وانتبه لا تطوفه جمعان بن حشر بن قويد - وادي الدواسر اللغز من شفته عرفته شماما والحل واضح ما يبي له كلوفه وارست لاهل لا الفحص لي شكر وسلاما وجهودهم من اجل الامن معروفه زبن مقبل العنزي - بريدة لازم نحل اللغز لاجل النشاما والرد عندي ما يبي له كلوفه الفحص لازم ناصله كل عاما والفايده للناس شبه معروفه فالح غازي الحربي - رياض الخبراء قريت لغز نشر بالخزامى يا بو محمد واضح من وصوفه وحله تراه الفحص والعمر عاما وتشوف بالتجديد بعض الكلوفة محمد صالح الأطرش - رياض الخبراء لغز الأسبوع كتبه الشاعر مخلف بن سعيد الشمري من الأحساء ويقول: اربع بنات بين بيضه وسوده يمشن بطي ما بين ذولا وذولاك نوب مع أهل البيض يثبت وجوده ونوب مع أهل السود والعلم ينصاك نستقبل الحلول على الفاكس «4871070» أو الايميل [email protected]
