نظرة با النواعس منك تقتل جموع

ياعيون(ن) من الفرقاء تهل الدموع
من يلومك على الغالي تهلينها
انتحوبه بعيد وتحترين الرجوع
يم ناس(ن) لغتهم ما تعرفينها
انتحو بالحبيب والمحبه تلوع
ديره الترف عقب الترف يا شينها
من عرض له خيالك، في منامه يفوع
وان صحى قال راح القلب في يدينها
نظره با النواعس منك تقتل جموع
خوفي الله ذنوبي لا تشيلينها
لك سهوم(ن) تصيب القلب وسط الضلوع
من مفاتن جمالك يوم تبدينها
النحر مثل بدر(ن) تم ثاني اسبوع
والجدايل لحافك يوم تضفينها
قلبي اللي لحب البيض عقبك قنوع
مير عودي جروحي لا تزيدينها
مسند مازن الميزاني