بندقي في خشوف الريم عيّت تصيبي

من قصائد الأمس

يا الله إني دخيلك من تردّي نصيبي
إن تردّى نصيب العبد وآعزتيله
أسهر الليل أخايل كل نجمٍ يغيبي
وأتقلّب وكنّي فوق حامي مليله
يوم فَقدْ خلّي صرت كنّي غريبي
حتى الليالي والأيام عقبه طويله
يوم عدّيت فالمرقاب شقّيت جيبي
أثر ما كل مضمونٍ يحصَّل بديله
بينهن مثل ما بين الجدَي والرقيبي
مثل فرق الجنيه من الهلل والطويله
بندقي في خشوف الريم عيّت تصيبي
من ردى حظّي لو ثوّرت خمسين كيله
أحسب إني سليمٍ وصار جرحي عطيبي
شلت حملٍ ثقيلٍ أحسب إني بشيله
شعر- عبد الرحمن بن قاسم العنقري – رحمه الله-