دون الجبال جبال

الشعر يظل هو الشعر، حبكة متفردة وموسيقى روحية عميقة، هذا ما تثبته هذه القصيدة الشاهقة في علو حبكتها ونسيجها المتقن، محمد السديري يكتب قصيدته ببصمته الخاصة وحرصه على الحفاظ على تميز نصوصه في خط مقدمة الشعراء المتفردين، قصيدة شاهقة الطقوس برقها يبعثر غيوم الأسئلة:
الهاجس اللي مال واثقل منكبي
ياعونة الله لايسير ولايطير
ان مال يمي مال سيف الاجربي
وان ملت يمه حده السيف الشطير
أعيا عيوني مادريت أشهو يبي
جاني سراب ولالي بقرب الغدير
لاهو نذير ولانبا منه نبي
ابين بيان وأعسر الامر العسير
يانابل النجم الرفيع المغربي
سلم جوابي ياشهابي يامنير
سلم جوابي يد هاك اليعربي
اللي يفك الخط ويعدل الكسير
اعطه جوابي مع سلامي ياصبي
حيث الليال طوال بالعمر القصير
الما فلا هو ما والقشعة ظبي
والخد الأكحل كنه السيل الغزير
واللي سباه العز ماعزه سبي
واللي بداه اثنين واحدهم يصير
واللي عطا عمره على مالايبي
ماعطاه عمره مايبي قل وكثير
ياحجري ياموق عيني ياعربي
لامسيت كني حامي الذيب الخطير
واللي يشك بقولي اقول يهبي
دون الجبال جبال بدلها حصير