يامحارب الإرهاب واهل الضلالات

اسوأ خبر تناقلته المحطات
صباح يوم السبت حان الوداعي
رحيل من تكثر عليه الحسوفات
نايف سديد الراي غيث الجياعي
مرحوم يارجل الأمن والمهمات
يالساطي القاطع حميد المساعي
يالشهم شيال الحمول الثقيلات
يالناصح العادل طويل الذراعي
يادافن الشر بتخاذ القرارات
ماتخلفك كثر الفتن والصراعي
يامحارب الارهاب واهل الضلالات
ياناصر أهل الدين عنهم دفاعي
ركن الأمن حلال كل الصعيبات
يا الواثق الصارم بحل النزاعي
ساعة رحيلك صابت الشعب صدمات
ضاقت على الشعب الفجوج الوساعي
خسارةٍ ياكبرها من خسارات
فقد الحكيم المستقيم المطاعي
معذور من يكثر عليك التناهات
ومن حقها تكثر عليك المناعي
مير العوض فأحمد وسلمان بالذات
ومحمد النايف سليل الشجاعي
والموت حق ولا عليه اعتراضات
محدٍ مخلد فيك دنيا المتاعي
ياكثر ماشفنا ياكثر الاموات
لكن نايف يفقده كل واعي
ماينحصي جهده بشعر ومقالات
من جاء يعددها يكل الاراعي
مرحوم ياملغي خبيث الشعارات
على العقارب واطيٍ والأفاعي
موسم بن سفر القثامي