من باعنا بالرخص

يا شين صدت من تحبه وتهواه
لا صد عنك دون سبه وداعي
انشهد انها توجع القلب فرقاه
لا صار قلبك في هواه اندفاعي
جوره يزيد ان حل في البال ذكراه
وتضيف بك كل الفجوج الوساعي
تعيش في هوجاس لا حل طرياه
ويغما عليك احيان لو كنت واعي
وتفيق لا من شفت طلت محياه
في حلم ولا في خيال(ن) صناعي
كل ما نويت تسج عنه وتنساه
شفته يعيش الشمس مثل الشعاعي
الحب يرعانا وحنا له رعاه
(...) (...) ذلته بنت راعي
هاذي حقيقة حب عشنا وشفناه
امره على العشاق دايم مطاعي
إلا أنا راسي على العز مبداه
ما ينحني من بعد طول ارتفاعي
ما نيب من يطرد خيال تعداه
إليا مشا لي بالوفاء جيب ساعي
من باعنا برخيص يا زين بعناه
لو مشتراه بالغين ما يباعي
من صد عنا يا هوى البال عفناه
يروح منا في عداد الضياعي
بدر ذيب القحطاني - ضرماء