تال العصر عديت في راس مرقاب تالي عصير وهيض الفكر جاشي ثم قمت امد الشوف واحسب حساب احسب حسابي لا يصير ارتباشي اختار من فكرن يسبب لي اسباب اما كذا نختار والا بلاشي ما الذ من بدع القصايد وماطاب اخذ جلال ولا ارتبط بالهشاشي اخيل مزنن فالسما له تضبضاب وانا علي من السحابه رشاشي يازين سج الرجل في ذك الادعاب اللي ثراها من اول الوسم ماشي فارضن خلا ماوسطها غير الاعشاب تنعشك عن جو الرياض انتعاشي تعطيك راحه بال عن كل مغتاب لاهل وبله من بطون المناشي لو ان بيتك قصر اله عشرة ابواب يصير في سجتك مثل العشاشي لاصار مايطلبك فالناس طلاب ولاجاك في بعض الأمور ابتلاشي سج القدم لو تطلع ديار الأغراب لاتصير دايم طايحن فالفراشي انهض نهوض اله كم مخلاب قبل تلبس فيك بيض النعاشي لو ان هذا الوقت مايعجب اعجاب قل امطره والارض جاها خباشي الحسد ولع فالبيعد وفالاقراب وجاله مع ضعيف البصيره تماشي ناسن اساءت وجهلت كل الاداب بالذنب ودروب المعاصي تفاشي تأكلك بالغيبه وتلحقك مشهاب ولاتخلي منك غير العراشي ناسن تجيب انشاب وتودي انشاب ودايم على الطيب تزيد النقاشي ماكل واحد للنعم صار كساب والمرجله ماحاشها كل لاشي ياللي ياللي تكتب الرزق بكتاب يامحيي من النبت ذاك القشاشي انك تعز الدين في دار الاحباب وتصلح قلوبن دايم وهي غشاشي انت الذي في يدك رضوان وعقاب وتعلم متى موتي ومدة معاشي هذال ضاوي العتيبي
