رجعتك سالم خلت الشعب يختال

تزينت دارك فرح وانشرح بال =شعبك و هب لك قلوبه نسايم
ماهي بفرحة عرس ياطيب الفال=ولاهي بقصة احتفال وولايم
لكنها نصر على كل الأحوال=وعيد لبسنا له ثياب وعمايم
رجعتك سالم خلت الشعب يختال=ويهيم في حبك ولا زال هايم
ياللي نهبت قلوبنا حب وإجلال=وأهديتنا الفرحة هديل وحمايم
الناس قالت في القصايد والأمثال =من طول الغيبات جاب الغنايم
لكن شعبك قال: لو تدري وش قال=قال الغنيمة شوفة الصقر حايم
شعر: طلال حمزة