غروب الشمس

صايد غروب الشمس وش حدك على وقت الغروب
فيك ارتمى حلم السنين وهمها وتغريبها
كنك من أذنوب الزمان وجيت والدنيا ذنوب
حرّكت فالدنيا مواجع وأنت ما تدريبها
لو جيت في طار الشمال و جيت في طار الجنوب
كل اتجاهات البسيطه في مداك تصيبها
عالمك عالم من خيال وتهتوي فنك أقلوب
أتلخبط الدنيا وترجع تبدع فترتيبها
دقتك دقه فختصار الوقت وأسلوبك اْسلوب
فيك المزايا كامله والنادرات اتجيبها
اعزف على أوتار الحزن من كل حدب وكل صوب
خل القلوب اللي بليا احساس يطلع عيبها
الدرب دربي دام دربي تجتمع فيه الدروب
أشعل فوانيس الدروب ولا يهمك غيبها
الوقت وقت الأذكيا وانته يا غالب يا مغلوب
واللي فهمها صح يعرفها ويعرف طيبها
وامانتك يا صاحبي لا جيت تجتاح الغروب
لا تحرّك الدنيا مواجع وأنت ما تدريبها
عبيد البديري