تحفظ لنا يارب حلال الانشاب

يا الله ياللي من ترجاك ماخاب
تشفي لنا درع الجزيره فهدنا
تحفظ لنا يارب حلال الأنشاب
ياغافر الزلات لوجهك سجدنا
يا خادم البيتين ياعرب الأنساب
ياغيثنا يادرعنا ياسعدنا
ياسيفنا يوم الشدايد والأصعاب
فهد العرب مولاي قايد بلدنا
كتب له التاريخ صفحات الأعجاب
قائد مسيرتنا ونهضة بلدنا
نجمه على روس الشواهيق ماغاب
فهد اليا مالت علينا سندنا
أرواحنا نفداك ياعرب الانساب
للشعب غيث وللمعادي زندنا
أمن وأمان بظلكم ما به أحزاب
في ظل أبوفيصل ولاحد ضهدنا
أكبر دول بالغرب تحسب له حساب
علم الفضاء ردناه بأمره صعدنا
وحنا على عهد الصحابه والأحباب
والي يخون العهد ماهو ولدنا