كفاية

ياغايتي مابقى بيني وبينك من مشاوير
إلا حنين الوصول وصبح لهفات البدايه
جيت انزع اليأس واللوعات من صدر المعاذير
وأكتبك قصة بداية مالها فيني نهايه
ميت لك بشوق ماعد في يدي للحال تبرير
إلا أني أسرج خيولي عشق والأيام جايه
تلملم آهات عمر الغربة وتزف التباشير
مابين حدب الضلوع اللي حكايتها حكايه
حتى يكون المدى مبهج وعطر إحساسنا غير
ونجعل تفاصلينا روح الكتابة والقرايه
ولاعاد نذكر سنين فرقتنا بي تفسير
اللي مضى من ضياع أجمل أمانينا كفايه
هذي كفوفي ومدات الوفاء يا أحلى المقادير
تهدي لك أعذب شعور بكل نبضه في حشايه