أجمل حكاية

يا أجمل حكاية شعور لامس أيديني
أيامي بغربتك ماهي من أيامي
لو حاول الليل بسدوله يواسيني
يشرق صباح جديد ويشعل الهامي
يقلقني البعد والطاري يعنيني
متى يجود الزمان بصدفة أحلامي
ياغايتي والمشاعر بينك وبيني
أعذب من المزنة اللي تشغل الضامي
ياغايبة مايطيح الشوق من عيني
ولا تغيب الصور والمشهد السامي
تتلهف لخطوتك دنيا عناويني
ومرايتك والمكان ورحلة أعوامي
ترقب حضور يرتب كل مافيني
من بعد لهفة ضماي وطعنة أيامي
عبد الله الطفيلي