الغروب

كل ما تشرق تعوّد للغروب
عادة للشمس ولا للبشر
انتظر قبله وتبعدني جنوب
ون بغيت أشمل تحذرني خطر
أن نويت أطير مع نسمة هبوب
أو عزمت أذوق من حلو النهر
أو أتوه الليل في بعض الدروب
أو أقطّع وقتي القاسي سفر
ما لقيت اللي على بالي ينوب
التفت يمي ترى كلك نظر
نبع وصلك إن وصل حولي نضوب
ون بغيت أغفي تنادي للسهر
الجليد أوقات من لطفه يذوب
ويكسي الوديان بالعشب الخضر
اللقى يا صاحبي يشفي القلوب
والربيع بكمّله رش المطر
ما أبي أخطي وقول أنك كذوب
من يقاوم موج في وسط البحر
كل ما تشرق تعود للغروب
عادة للشمس ولا للبشر
علي الدويسان