عشق الحرف

حالة قلق تنتابني حين مولدك
هاجس يسمونه مخاض القصيده
وأعيش في لحظة ترقب لموعدك
ناطر بكل الشوق فكره جديده
قصيدتي باسم المبادي أناشدك
تكفين لا تبقين عني بعيده
أنسى همومي في حضورك وارددك
وآكرر القافي مرار واعيده
ما ودي أسأل عنك فكري ولا أجدك
بوجودك أتخطى الظروف العنيدة
ودي إلى مني كتبتك أخلدك
وانشرك للجمهور عبر الجريده
مافيه حد يقدر يصدك ويبعدك
عني. خذي مني العلوم الأكيده
أقولها وأنا بحرفي معاهدك
ما أكتبك في غير جمله مفيده
قصيدتي في بعض الاحيان انا احسدك
لما أعبر فيك عما أريده
لكن بعض الحرف لا يمكن أجحدك
شاعرك غير الشعر وش هو رصيده
مبروك بن ماضي