نرفع تهانينا نبارك لسلمان

نرفع تهانينا نبارك لسلمان
اللي مواقيف الوفا موقفٍ له
يفرح به اللي جا من الوضع حيران
اللي يبي حقه وهو ما حصل له
صعبت عليه وغيّب الحق مابان
الوضع خفي وحر نجدن فطن له
يوقف على موقف وضوح وبرهان
ومهما يكون الشي صعبٍ يحله
عساه ذخرن للوطن طول الازمان
قاد الدفاع ومنصبٍ لايقٍ له
يعوضنا في راعي المجد سلطان
اللي عسى الجنه تجي منزلٍ له
الحمد لله موطنٍ خير الاوطان
علم الشريعه دارنا مرجعٍ له
بقيادة امولكن لهم فالوفا شان
من غاب منهم سد الآخر محله
غنام مسعود القريني