يبغون دين الله تضليل واستار

سلام يا سباع الجزيرة يالأحرار
تحية ممزوجة في عسلها
ألذ وأحلا من لبن كل معطار
مني لعصمان الشوارب قبلها
باتت بواين كل خاين وغدّار
وتبينت سود الوجيه وعملها
شفنا الوجيه الغابرة عبر الأقمار
تتبع هوى شيطانها وارتحلها
تكفر هل التوحيد وتلجى لكفار
وأعمالهم تكشفت من فشلها
يبغون دين الله تضليل وأستار
والناس تدري بالدسايس وأهلها
وابن البلد ما يصير لعداه سمسار
وأهل الشهامة ما تخون بعملها
واللي يخون الدار هو بصمة العار
ومن جنب الجزلات عاش بهزلها
حنا حماة الدار يا خاين الدار
والراية الخضراء فخر من حملها
حماة العقيدة من سلاطين وأمار
تاطأ على خشم المعادي (...)
بالأرض حماة الأرض وبالجو طيار
وأبحارها وجبالها مع سهلها
أبلادنا ما يدنسه كل مكار
وعن ملة الغاوين ربي عزلها
أبلادنا تمتاز عن كل الأقطار
بأشرف بقاع الأرض تلبس أحللها
بقيادة آل سعود وافين الأشبار
لها مكانة غيرها ما نزلها
والشعب كله للبلد سور وجدار
وحنا فداء لتراب نجد وأهلها
يحيى بن خليفة الرشدان