صوت الصورة

أنا عزوبي والشقاء بان فيّه
وين الذي عقله من الزود راسي
تكفيني هموم ن عليه قويّه
منها بريقي صارحسبت لباسي
سرور بن حنيان - المجمعة
الاختراع إمِّه يقولون حاجه
وهذا الذي سوّاه هذا العزوبي
مِكوى الملابس نار قدرِه زحاجه
غلاية ٍ فيها الخطر والعيوبي
وبالبوت ساندها يخاف إرتجاجه
موقع خطر والفرش يمكِن تذوبي
فهد بن عقيل الطويان - بريدة
ياشيخ لا تحرق نفسك ودارك
طريقتك هذي تراها خطيره
تضر من حولك وتضر جارك
وتصير يا بن الناس سيرتك سيره
سلطان بن سعد السهلي - المجمعة
العزبه اللي ما بها ضيف وأجناب
في خرمة البرّاد كل شي معقول
حتى ولو هي بوت ودعاسه الباب
يفوّح على المكوى وكاسات بسطول
سعد الحماد - روضة سدير
لقطة غريبة شي ما يدخل الرأس
من فوق مِكوى الثوب فوحتو الماي
شكل المصوّر نيته يضحك الناس
في وصفها الكل منا له الراي
عبد المحسن بن محمد الجريسي – الرياض
دبرت نفسك بس مخطي وغلطان
لا يصير بيتك يالسنافي تجارب
يمكن تسبب في حرائق ونيران
وتموت ولا تروح من البيت هارب
سعد سلطان السهلي – المجمعة
ياما حلا حكرت البراد
على حطب ما هو بصخانه
وقبل ما الصبح ينقاد
ويغرّد الطير بالحانه
عبدالكريم عبدالرحمن السلوم - القرائن
مدري كسل والا ترى العجز صابك
ما هوب حق اللي تسويه في البيت
شابك جهاز الكي في وجه بابك
ترى الخطر ما ينفعة قول ياليت
حمد عبدالله الوايلي
بالصوره أشوف غلايه
بكر لقراه جايبها
الطيب والكيف له غايه
وتقديم القهوه لشاربها
زبن مقبل العنزي - بريدة
مدري عمل قهوه .. مدري عمل شاي
صورة فريده فيها العجايب والاحراج
ولا تهمل الكرهب .. ولا تترك الماي
وأطلب عسى ربي يعجّل بالافراج
صورة العدد
بشائر القحطاني - الرياض
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070 زاوية (صوت الصورة)
ونرحب بالصور الهادفة والطريفة .. ويا هلا