ماضي الجروح

وش ذكرك فيني بعد طول الايام
من بعد ما اعلن ضامري عن رحيله
ودك تجدد ما مضى لي من الام
وتعيد لي ماضي الجروح الجليله
محتبك ماتت بقلبي من العام
وشلون ارجعها بيوم وليله
ما عاد تعنيني ولو كلك هيام
ترى محبتكم معي مستحيله
صارت رواسب حبنا مثل الاحلام
تعصف بها سود الليالي الطويله
لا ياخذك شوقك بعيد بالاوهام
ذكرى السنين اللي مضت لا تجيله
ليه الضمير اللي صحى عقب ما نام
وده يوقظنا الجروح العليله
خلاص صارت نظرة العين قدام
والبعد والهجران عيني تخيله
خطة بتاريخ المحبين الأقلام
ولا عاد غير البعد عندي وسيله
الشاعر أحمد حمدان