عواكيس

* هل تظن يامعوكس اننا رايح نشوف في المستقبل لافتة مكتوباً عليها «برامج للمدح» على وزن المحل للتقبيل!
محمد الرويثع – الدمام
-عقب قراطيس المستشار القانوني اللي حاجز لها على الافق ورموها في وجهه بعضها يبي يتحول صادر ووارد!!
* متى يامعوكس يصقعونك بغرامة مثل مدير المركز الاعلامي بنادي الاتحاد عشان تحرم التريقة على الناس؟
فهد الخويرمي - الدواسر
-أبو الشباب زعلان ومعترض ويبيهم يفرقون بين شخصيته يسدح في عباد الله بشخصية ومثالية وابو ضحكة جنان في النادي ماصارت!!
*ليش يامعوكس خالد عزيز ما يغيب إلا عن المباريات المهمة، نرجو الرد دون تصريف ايها الرجل؟
هادي العويفي- حائل
- ابوعزيز مافيه حيلة لويودونه من يكويه مع علباته!
* العزيز معوكس لدى استوريو للتقبيل بعدما فشلت في انتقاء الفن الرفيع ، وش رأيك تصير سمسار يمكن ينباع على يدك، ومارايح ننساك من العمولة شرط تدعي لي اصير اعلامي
نادر الفهيد – المدينة المنورة
- والله يابوفهيد جاي من جنبها ومالك إلا الاستريو وتقلبه فديو كليب ياليل ماطولك!
* وش رأيك يامعوكس تصير وكيل اعمال للاعبين وانا وانت النصف بالنص، وفيه عندنا لاعب شرط قيمة عمولة انتقاله تخليك ملياردير بس عيبه انه ما يشوت إلا برجل واحدة؟
عواض النومسي
- حائل
-الا وكيل أعمال فكني منه ماغير شكاوي ودايم عند باب لجنة الاحتراف ولهان ومسير!
* هل صحيح يامعوكس انك خبير في ناسا وعربسات ومنظمة حقوق الانسان وهيئة مكافحة الفن الهابط ولجنة محاربة تزوير البطولات، ام ان ذلك مجرد مسمى تشخص به قدام الناس؟
حمد السويهري – الطائف
- الخبير عسى مانتب هو راح فيها!
*وش يامعوكس رأيك بتصريح حاتم خيمي وهل ستعاقبه لجنة الانضباط؟
ياسر السردي- رفحاء
-ابدا خطاب شكر قابل للاستئناف!!
* ألا تتفق يامعوكس ان مداخلتي سعد الكثيري ورئيس الهلال في التلفزيون سببت رجة لبعض الناس وخلتهم يسولفون مع انفسهم؟
راجح الدوسري
- السليل
- خاصة الثانية اللي خلت «عميد الكذابين» وخويه يبلعون ريقهم وتطقهم أم الركب!!
* يقول المثل العامي يامعوكس «تخويف الذيب ولاقتله» فهل بعض التهديد بالشكاوي يعني زيادة الضغط والسكر لدى الخارجين عن النص؟
بندر العصاي
-عنيزه
-زيادة المندي والمنتو والمعصوب!
* بالله عليك يامعوكس يعقل ان واحد يخرج عبر الفضاء ويصير ضد رياضة بلده ويحاول يثير الفتنة، وش تسمي هذا؟
عالي العتيبي – البجادية
- يعقل اثنين جنب بعض ضاربه فيوزهم كل واحد أهبل من الثاني!!
*بماذا تفسر يامعوكس سرعة تراجع الحكم فهد المرداسي عن الاعتزال وتقبيلته لرأس المهنا، ومن يقصد بالمحرضين له؟
حامد سالم البريقي
- تبوك
- التفسير أن الخطة مانجحت ومالها إلا حبحبة رأس ابوعزوز!!
*ماهو تبريرك يامعوكس للي يجي للعاصمة عشان حفلة شاي، معقولة تذاكر وسفر والقصد كله بيالة نعناع، تظن ما فيه «دعم لوجستي».. صراحة الذيب ما يهرول عبث يابو العواكيس؟
محمد الشريهي
- حائل
_ فيه دعم ودقو على المرور !!
* استطيع يامعوكس ان اسمي بعض البرامج «برامج الوشوشة» فهي توشوش وتخضع لتوجيهات من يوشوش عليها؟
فهد الدوسري
- الرياض
-يوشوش عبر مأمور سنترال أبو هندل!
*الحبيب ابو العواكيس تحية وبعد:
ودي أعرف الفريق اللي على بالي ومقره العريجا وش بقي له من بطولة؟
عبدالملك المرشد-عرقة الغربية
- الفوز على المنافس او التعادل وبطولة الناشئين الله من زين الطموح!!
*قاهرهم وحابس دمهم معوكس تحيه وبعد:
تكفى ياصديقي لك في الحلا ولاعندك سكر؟
صديقك الدائم -حمد الدوسري -أبو مبارك
**عندي بسكوت أبو ميزان!