عواكيس

*بعد حي معوكس مادري ليه أول ماشفت صورة بدر المطوع اليوم تذكرت موال طلال مداح الله يرحمه يوم قال : اليوم تاقف بي القدم وتعبت أنا من كل شي وحسيت وش معنى العدم وعجزت أبكي من الندم.
صديقك أبوحمد -حايل
- بدران ماله الا يشيلها في سلم الطائره "بكيت غصبا بكيت"!
*عزيزي معكوس ماتلاحظ إنا بحاجة إلى معلقين مباريات زمان لأن الخلجيين الحاليين يخاطبون المشاهد ويقلل من التعليق على الكرة لا وبعد يقولون أشعار يحسبون فيه جائزة "معلق المليون"!
عبدالرحمن النويصر - الرياض
- والله يابعضهم يصلح محرج محترف في حراج الرخوم!
* الاستاذ معوكس ماهو الفرق بين الحملة ضد سامي وياسر، هل تستطيع فك الشفرة ايها النبيه؟
رجاء العنزي – عرعر
-الفرق في فريقهم اللي يلعب على كل البطولات والباقين ماسكين سرا!
* المبدع دائما ابو العواكيس وين هالمستوى اللي قدمه الاتفاق امام الهلال، زمان ما شفناه، يعني ننتظر السنة الجاية عشان نشوف زيه؟
عبدالله السعيد- الدمام حي العدامة
- قلتها وأنا الخبير بتشوفون اسبانيا في نهائي 2010!
*جت برأسي فكرة يامعوكس ان افتتح لي موقع على الشبكة العنكبوتية وكلها وضع اشادة بأحد البرامج الرياضية على الصفحة الرئيسية للموقع وشرط يصير موقعي اشهر موقع لأن الاخوان مسؤولي البرامج اكيد بيطيرون مع العجة وما يصدقون؟
متعب الرويتع – الرياض
- خاصه "توم وجيري" اللي يبدا البرنامج وينتهي وهم يضحكون على أنفسهم!!
* صباح الخير ابو العواكيس مارأيك بمن يقول ان الدوري ضعيف مما جعل الهلال يهيمن عليه؟
عبدالله المطيري الرياض المصيف.
- اللي مايطول العنب حامضا عنه يقول!
* المملوح معوكس اخيرا قرروا ايقاف افيجيروا، أحد امرين، اما ان فريقه ماله امل بالمنافسة والا الجماعة خجلوا من السكوت على تجاوزاته؟
حمد الحمدان- الحوطة
- دام فيها استئناف العفو حسب الفريق المقابل!
*ابو العواكيس ألف تحيه اخوي اوبعدين مع هل خط الفاشل الذي رواده يجيدون التمثيل والجمبازية بدرجه غير طبعية
اخوك لملوم الرياض
- ناقصه بياع الكوسة!
* ليش يامعوكس بعض الناس اذا كان الضيف الثاني في الاستوديو اكايديمي نجده يلت ويعجن ويحاول يأخذ المذيع والضيف الآخر بالصوت ويسوي نفسه انه فاهم؟
سمير باسلوم – جدة
-فاهم في الخواتم والمسابيح "بن شاكر"!
*ليش يامعوكس عبدالجواد شان حملة على الاهلي وش القصة؟
سعد الزاهراني- الباحة
- عنده الزر السري!
*ارجوك يامعوكس انقذنا من الورطة، جبنا لاعب واختارته إحدى الجهات لجائزة الافضل، بس ما نبيه يستلم الجائزة لأن هذه الجهة منحت النادي المنافس جائزة الافضل وحنا ما نبي هذا الشيء، شف لنا حل واللي يرحم والديك؟
محمد فهد ال عباس- نجران
- الحل يحل عن فريقكم أبرك له!
*الحبيب الغالي أبوالعواكيس تحية وبعد
ماعندك خبر بسكوت ابوميزان خلص من السوق وش القصه؟
صديقك-حمد الدوسري- أبومبارك
- بعذره يقولون واحد مقدم حل في عزومته وظفه كله حتى اللي منتهي تاريخه!!
* قاهرهم وحابس دمهم ابوعكوسي بعد المحبة: تتوقع اللي ناقشوا مخالفة المرشدي في "ارسال التعصب" يتجرأون ويناقشون قضية اللاعب اللي في الساحل الغربي؟
بندر العصاي-عنيزة
- حسب توجه اصدقاهم في الموقع الالكتروني!!
*عزيزي معوكس تحيه وبعد
ودي اعرف وشلون محمد نور يلعب وهو لابس قناع والله خايف عليه مافيه حل ثاني؟
عبدالملك المرشد-عرقة
- الحل يحولونه ركبي وإلا يشارك في سباق الدبابات رالي الكورنيش!