يجاملك ناس

يجاملك ناس لأجل.. غاياتهم فيك
وإذا خذوها منك..راحوا وخلوك
أهل المصالح لا تغّير مباديك
بالوجه مدح.. وعند غيرك يذموك
جرّب بعضهم مزح قل له أنا أبيك
وبيفاجؤونك... كأنهم مايعرفوك!
ماكنهم عند الملمات تنصيك
ولو في يديهم لك يضروك ضروك
تضحك نفاق وفي غيابك تعاديك
إلقط حذرك ومدحهم لك... يذموك
نصيحتي لك منهم غسّل يديك
ومهما حصل لك منهم لا يهموك
ولاتندفع الا مع اللي يجاريك
بقول أو نعم وبخير دايم يطروك
لي صابتك أتراح جو لك تواسيك
ومع كل فرحة لكي جوك ويهنوك
منهم ترف العين وتصيح أذانيك
وعلى يمينك قبل لا تطيح شالوك
وحط اللي ما يستاهلك تحت رجليك
والباب خله دونهم دوم مصكوك
سعد الشليل