فصل خامس في حياتك يحكي آلام الأسير

مشكله لاصار دربك من بداياته قصير
وانت امالك كبيره مالها حد ونهايه
ينهدم حلم بنيته قبل ماتبدى المسير
وتظلم الدنيا بوجهك تبتدي فصول الحكايه
فصل خامس في حياتك يحكي آلام الاسير
يكتب العنوان آه ويبتدي بسرد الروايه
كان ياما كان واحد عاش بالدنيا فقير
ضاعت احلامه وتاهت في نهايات البدايه
كل مايكتب بداية حلم يفز ويطير
ويتلاشى الحلم بدري يرسم خيوط النهايه
كل مافيه يتحطم ينجرح قلبن كسير
والامل دربه مقفل ضايع رقم الحمايه
يعني انسى لاتحاول وانتظر اسوأ مصير
هي كذا والا كذا واضحه مثل المرايه
صورتك هي صورتك منت باشا ولا وزير
انت زي منت فقير والفقر ماخذ وصايه
مهما كان الحلم يكبر بالنهايه وش يصير
هو مجرد حلم عابر مر في لحظة غوايه
يا الله قوم اصحى وناظر واقعك ياهو مرير
واقتنع باللي انكتب لك بس لاتحلم كفايه
عبيد الغشام