*السمسار معوكس كيف يطلع عضو شرف ويعلن أن نهائي كأس ولي العهد في مكةالمكرمة يعني الرجال عنده علم؟ عوض الجعيدي- القنفذة -إلا وش ذا الحب اللي طلع للوحدة من بعض الملاقيف اللي لو الطرف الثاني فريقهم كان ملوا الدنيا شكاوي وبيانات! *الاخ معوكس : ما رأيك بما حصل للاعب بدر المطوع الذي فُصل من عمله في الكويت ما يستأهل «بدران» ؟ سفير الحلة الخبراء -المشكله ماصارت الفصل حتى الجائزة الدولية طووا قيده منها! * الأخ معوكس درع الدوري يطبخ على نار هادئة والله أنا خايف من ذا اللجان والحكام الأجانب والعذر سوء تقدير من الحكم؟ معاذ الحميد -مرات -سوء تقدير و»فضفضة» من الحكم آل شيف!! * قال لي صديقي النصراوي إن سبب هبوط مستوى النجم سعد الحارثي الجماهير عندما لقبوه «راؤول العرب» عندك تعليق يا حبيبنا؟ متعب الشمرى -وين أعلق معه والمتحدث ماخلى لاحد فرصة كنه هاتف العملة! *أبو العواكيس بالنسبة لحسين عبد الغني وش مشكلته مع رادوي؟ خالد الفهادي- الكويت -ياحبكم للشر خلاص كلن صلح سيارته وماعاد فيه مشاكل! *ابو العواكيس الف تحيه اخوي وبعدين مع «هالخط الفاشل» الذي رواده يجيدون التمثيل بدرجة غير طبيعية؟ أخوك لملوم الرياض -الخط قفله واقلبها احلام سعيدة! * الأستاذ معوكس وش قصة الحكم اللي راح يشجع الغرافة وبعدين طلع ويقول انه هلالي، وهل تظن ان هناك «وشوشة» في أذنه؟ خالد المطيري- الارطاوية -الوشوشة حصرية لابوعمري !! * تصور يامعوكس انك رئيس لجنة الانضباط وجاء رئيس فريقك المفضل ووشوش في أذنك، ماهو القرار الذي ستتخذه؟ فالح نهار النهار- جودة -المنطقة الشرقية -ايقاف رادوي! * البروفسور معوكس المحترم.. بعد التحية والسلام.. ألا تلاحظ يا معوكس كثرة المحللين والنقاد هاالايام وان كل من هب ودب صار محلل؟ متعب صويان -كلها كوم و»ارسال» التعصب كوم * الغالي معوكس هل صحيح أن مصحة شهار اعتذرت عن استقبال وعلاج بعض المهووسين في نحر الحواشي بحجة ان ما فيه فائدة؟ عبدالله الزهراني- الطائف -مافيه حيلة لو طرده ناديه خمس وعشرين مرة! * صراحة ياعكوسي اني على اعصابي اخاف الجماعة ما يعترفون ب»الفيفا» بعد اعترافه بأن نادي الهلال الاول في آسيا. قبلان الرويلي- الجوف - مادرى عنهم أحد! * الظاهر يامعوكس أن بعض الناس عرف حجمه الطبيعي، نشوفه ما عاد يكتب «خبير إحصاء» أو خبير ب»الفيفا» وش اللي صاير؟ مسيمير العتيبي – عفيف - التزوير ما نفع! *صراحة يا معوكس مدري وشلون متحمل بدر المطوع، فصلوه من عمله وجاء النصر ورفض حضوره لتكريم الاتحاد الدولي للتاريخ والإحصاء، صراحة أنا أشجع هذا اللاعب وخايف على مستقبله؟ فهد العجمي- الكويت الجهراء -مافرقت معه كنه يلعب في الصليبيخات لادوري ولا كأس! الأخ معوكس تراك ظلمت محمد الدعيع في قضية عزيز وعبد الغني لذلك أحسن لك اعتذر منه وإلا رايح نشكيك عند مجلس الأمن؟ عبدالعزيز الشريهي- حائل -مجلس الامن مشغول بزنقة زنقة! * يقولون يامعوكسنا انك كريم ولديك خبرة في الذبائح خصوصا ذبح الحواشي على الطائر، إلا على فكرة ليه ما تعود لمهنتك الأساسية وتترك الصحافة لأهلها؟ نفل العازمي- الدوادمي -على الطاير ويشيلها ابوسراج معوكس طاير في السماء! * الحبيب معوكس تحيه وبعد: العذر والسموحة عن الغياب ياصديقي والله كنت مشغول تعرف سفريات البزنس صديقك-حمد الدوسري -ابو مبارك- العزيزية - أماسفريات وبزنس كثر منها حدك أنت وخويك أبو عبيد سوق الحمام الذهاب خط البلدة درجة شروخه أفق!! *صاحب المليون رسالة أبو العواكيس تحية وبعد ليه الاتفاقيين غيروا مدربهم بهالسرعة يعني يهمهم الفوز على الهلال عبدالملك المرشد-عرقة الغربية -تابع الليلة وتشوف يابوالشباب لو الود ودهم لعبوا غدرة ومفتاح!!
