يامرحبا حييت يا منبع الجود يالقائد اللي شوفته يوم محسوب عودة ملك ماهي شعارات ووعود عودة حبيب الشعب بالخير مصحوب عودة ملك دايم على شعبه يجود من طيب ساسه صار للشعب محبوب عودة ملك بقلوبنا دوم موجود رغم الغياب اللي به الوصل محجوب اللي بنى مجده على شامخ الطود اللي بشوفه جمر الاشواق مشبوب باسم الوطن نهديه باقات وورود ونكتب قصايدنا هجيني ومسحوب نبني صروح الحرف لاهبت النود ونرسم ملامح صورته نبض وقلوب الحب جنه والغلا نبضه يزود شمس الوفا في شوفته مالها غروب شعبك يحبك يابو متعب بلاحدود وبيرق غلاك بقمة العز منصوب ياالحاكم اللي لك مواثيق وعهود لا ضاعت الحيلات والحق مسلوب ياالحاكم اللي لك مواثيق وعهود لا ضاعت الحيلات والحق مسلوب انت الزعيم اللي على القمة يسود وانت الكريم ليا غدى الطيب عذروب وسلامتك يا سيدي منبع الجود عسى الُولي يجعلك الآجر مكتوب فرج جزاء الدهمشي
