هذا مليك القلوب اللي عند شعبه محبوب

الفرح عم الأوطان بعودة أعز انسان
وكل سعودي فرحان بعبدالله الله يحيه
هذا مليك القلوب اللي عند شعبه محبوب
طيب ولابه عذروب ولا لوم شعبه لو يغليه
يومنه لوطنا عاد نورت كل البلاد
وشوفه أسعدنا وكاد عسى الله لنا يخليه
ما فيه مثل مزاياه يعطي ولا يحسب عطاه
نطلب من ربٍ شافاه من كل مكروه يحميه
زود بشون الشيبان وبنى بيوتاً لليتمان
فتح جميع البيبان للمواطن حتى يجيه
تميزنا عن الغير ما بنا واحد فقير
عبد الله كثر الخير والفقر قضى عليه
ما دام عبد الله حي ما علينا من أي شي
يحبه كل سعودي ويقبل رأسه ويديه
حبه كل يوم يزيد ويجري مع دم الوريد
يا عسى عمره مديد وعسى الله لنا يخليه
هذا عريب الجدود مبطي بالطيب محمود
طيبه والله ماله حدود ولا حداً بالطيب يجاريه
ما يجحد فعل اخو نوره ياغير الناس المغرورة
اللي شرع الله دستوره ومطبقه ويمشي عليه
لو أشرح كل الفعول ترى القصيدة تطول
ابختم اللي نقول بصلاة على الرسول وكلكم صلوا عليه