بقدوم أبو متعب يشعن الأنوار

أسعد خبر ينذاع من بين الأخبار
سلامتك يا نسل صقر الجزيره
قالوا تماثل للشفا القايد البار
أبو الجميع ويستحق البريره
والحمد لله من بعد غب الأسفار
على سلامة من يقود المسيره
يا مرحباً حييب يا واف الأشبار
ومن وين ما وجَّه عساها سفيره
بقدوم أبو متعب يشعن الأنوار
أفراحنا وأعيادنا بكل ديره
من زايد الفرحة يغنن الأطيار
الطير يشدو باللحن في مطيره
من الطرب تراقص أوراق الأشجار
قامت تهزَّع بالفرح مستثيره
تفتحت بقدومك ورد وأزهار
الورد ينثر في طريقك عبيره
وللعاصمة توجهت كل الأنظار
ترقب وصولك والمشاعر كبيره
تكسرت بالأمس في صدورنا عبار
واليوم فاضت لك دموعٍ غزيره
جتكم جموع الناس من كل الأقطار
قامت تلاقى لك جموعٍ غفيره
ولعزوة العوجا الصواريم الأحرار
أسمى التهاني تعم كل العشيره
وسقنا البشاير كلنا صغار وكبار
ولا هي على صقر العروبة كثيره
عساه يبقى ذخر للشعب والدار
الخير من خير الولي ثم خيره
بالعافيه محفوف من كل الأخطار
طهور ومن سو البلاوي تجيره
يالله تفكه من صواديف الأقدار
ويالله عساها الأوله والأخيره
عائض محمد الدعجاني