أجر وطهور

بعض المواقف تجلب الافراح وتبث السرور
للي ظروف الوقت غنت له على موالها
قبل انتعايد .. كان فينا شي من ضيق الصدور
لكن تباشير الفرح (صقر العروبة) قالها
ظهر على الشاشة كما نجم «ن» تلامع فيه نور
ساق البشاير للسعودية وطيب فالها
(أنا بخير وعافية) بادر بها جمع الحضور
(ما دام شعبي في نعيم) .. اهتم لجل احوالها
يالله عسى ما حل بك يا سيدي أجر وطهور
ويالله تعز المملكة .. وتعز حكم رجالها
ترثة معزي محتمين الحد وافين الشبور
(آل السعود اخوان نوره) جمل الله حالها
هذا وانا من روس قوم «ن» فالملاقا ما تبور
دون البلاد .. النفس ترخص قبل رخص اموالها
محمد بن معدي