تزيّني ياديرة المجد والخير

تزيّني ياديرة المجد والخير
واستقبلي بالشوق صقر العروبه
حياه ربي عِد ماغرّد الطير
وما غنّت إل لقياه نفسٍ طروبه
ثم انثري ورد النفل والنواوير
شرق الوطن،غربه ،شماله،جنوبه
وفي نجد زفي للرياض التباشير
بقدوم مَن بيض القلوب إحتفوا به
إطلالته تسعد محبينه كْثير
وسُر الجميع بشوفته وفرحوا به
الله يجيره من صدوف المقادير
وجعل الذي صابه طَهور ومثوبه
وحيي أبو متعب بأحلا التعابير
ثم أفرشي له بالخزامى دروبه
العاهل اللي له معزّه وتقدير
بقلوب شعبٍ بالوفاء رحبوا به
قايد محنّك له مكانه وتأثير
بنفوس هالعالم ولاة وشعوبه
من بين قادات الدول سيّدي غير
زعماء العرب ويّا العجم يقتدو به
وفودهم يمه ورود ومصادير
وياما لفت مولاي الانظار صوبه
ومن غيرأبومتعب على الأمه يغير
ويعينها وقت المحن والصعوبه
وكم موقف إنساني له العالم يشير
وكمْ شعب نفّس بعد ربي كروبه
الله يديمه في سعاده وفي خير
ذخرٍ لأبناء ديرةٍ يفخروا به
مبروك بن سالم بن ماضي -الرياض