في جيتك كل البشر فيك هلو

والله يا بو متعب والاشعار تزهو
تزهى جنابك يازعيم الفتوّه
وتوه يزين الجو يا سيدي تو
والمملكة توه غدا زين جوّه
في جيتك كل البشر فيك هلو
عز الله إنك ضاري للسموّه
يامرحبا ترحيب ماطير يشدو
واعداد من زاروا ديار النبوه
واعدد من حجّو وصلّو ولبّو
واعداد ما برق لمع شيف ضوّه
دمعي تحدّر وقت الإعلان نبو
دمع الفرح يسري على الخد نوه
وسمعت بالشارع انا أصوات تعلو
صوت العجايز بالزغاريت لوّه
ودق الفرح بقدومكم فيه غنو
وتصفيق بيديهن تصافق هدوّه
والطير غرد والتغاريد تتلو
تتلو بعضها في صباحه وغدوّه
وحنا نتباشر في قدومك ونرجو
سلامتك من كل شرن وسوّه
واطلب ولي العرش ربي وأدعو
يمدك بعمرن مديدن بقوّه
طهور بإذن الله وبالخير تجزو
وعساه في صحه ويدحر عدوّه
علي بن عياده العواد الشمري