في شوفتك ياسيدي بهجة صدور

ياخادم البيتين ماجور ماجور
ومن المشاكي سالم ن ومتعافي
ندعي لك اللي في يده نفخة الصور
الواحد اللي عالم ن بالخوافي
ترجع لنا سالم وغانم ومسرور
ونفرح بشوفك فالمدن والفيافي
في شوفتك ياسيدي بهجة إصدور
تعجز تترجمها الصور والقوافي
اي والله نحبك ومن حب معذور
وافي وشعبك في محبتك وافي
مافيه بيت إلا بحسنتك مغمور
فضلك يابو متعب على الناس ضافي
يذكرك شيخ ن ثالث يديه باكور
انته عوينه بالسنين العجافي
مديت له كفك وعطيته الدور
يجلس امامك قدمه الوقت كافي
في مجلس ن بالعدل والذكر معمور
ومشرع ن باب قدم كل لافي
ياسيدي لو المرض شيء مقدور
لنقول عنك ونعتبرها عوافي
لتشوف شعبك دون صحتك طابور
كبيرهم وصغيرهم ما يخافي
غيبتك عنا كنها اسنين وشهور
لو ماعلينا يابو متعب خلافي
في ظل سلطان السعد وافي الشور
طلق الحجاج اللي ليا قال يافي
جعله بثوب العافيه ينعم ادهور
ندعي له المعبود بيّن وخافي
صنيتان الديحاني