الله من شر المقادير يحماك

ياسيدي سلمت والشر عداك
تقوم سالم يامقر الزعامه
الله من شر المقادير يحماك
تلبس ثياب العافيه والسلامه
الناس مشتاقه لشوفة محياك
متعودين الطيب والابتسامه
ياكثر ماتسبق على الجود يمناك
فزعتك للمحتاج تسبق كلامه
حاتم زمانك ماتعدد مزاياك
تصعب على اللي يلبسون العمامه
سلطان سلطان السعد لاعدمناك
عضيد ابو متعب شويره حزامه
مواقفك تشهد عسى الرب يرعاك
في حزت الموقف وثورة عسامه
شعبك يحبونك ويدعون مولاك
سلامتك شفا الجميع ومرامه
بنيت جيش للوطن يرعب عداك
بنيت له مجد رفيع مقامه
يمشي على خطتك ويدور رضاك
من شرقها حتى روابي تهامه
يزهاك ياسيد هل الجود يزهاك
صنعت تطويره وصيغة نظامه
والشعر ياسيد هل الجود ينصاك
يحمل مشاعر خادمك واحترامه
جندي من الامن السعودي وحياك
حبك يابو خالد لبسنا وسامه
صنيتان الديحاني