عيدي يا أرض الوطن

عيدي يا أرض الوطن جاك سلطانك
نحمد الله كل ما جاك متعافي
الله اللي رافع الوطن شانك
الله المعبود سبحانه الكافي
عانك الله عون يا سيدي عانك
لطف ربك يابوخالد هو الشافي
يا سخي الكف بالجود واحسانك
شي معلن غير عن فعلك الخافي
عيش يا سلطان وتموت عدوانك
عفو ربك يشملك ستره الضافي
ساس عنبر منقع الطيب سيسانك
اسالو شمس الجزيرة من اللافي
يا سحاب الوسم ابشر بهتانك
مي صافي مثل سلطاننا صافي
وابشري يا العاصمه جاك سلمانك
جاك من يا قال له كلمة يافي
شيخ نجد وقمة المجد وجدانك
الوفى سلمان من غيره الوافي
جاك يا جمعية إنسان إنسانك
العطوف اللي بالانسان روّافي
نواف نهير العلوي الشمري