كل شعب المملكة رحب بسلطاني

نحمد الشافي شفى شف كل سعودي
كل شعب المملكة رحّب بسلطاني
قلوبنا حوله معه يشهد المعبودي
وأهلا أهلاً في مصب الوفاء سلماني
الوفا سلمان ما له شبه حدودي
وموقفك يا بو فهد موقف له شاني
والله إني تقل في ساعتي مولودي
يوم قالوا امتثل للشفاء كحيلاني
أبو خالد شامخ كنه أكبر طودي
شامخٍ وكفوف سلطان كالودياني
يا الله العالي ويا عالم المقصودي
هل جزاء المحسن على إحسانه إلا إحساني
أبو خالد للسعودي بذل مجهودي
كل ديره به عمل والعمل إنساني
ما يكفي والغلا دايم بصعودي
مرحباً يا مرحباً بالسخا الهتاني
ما نعيش بضنك دام الولي موجودي
الوطن مخزون من خيرنا ملياني
تحت ظل العاهل اللي يصد الكودي
أبو متعب يا بعد ميتي وحيّاني
وثاني النواب فيه الأمل معقودي
بينه وبين المواطن حبال متاني
نايف بالنايفة من قديم عهودي
للسعودي هضبةٍ عالية وكياني
نواف بن نهير العلوي الشمري
حائل