بنت العرب تلبس من اللبس زاهيه في سوق بالتاريخ له عز وامجاد تلقى البضايع .. والأدب .. والشعر فيه ليت الزمان اللي مضى منه ينعاد سعد الحماد - روضة سدير يا هلا يا مرحبا باللي لفانا في عكاظ السوق عنوان الأصاله التجاره والشعر فيها زمانا مهرجانٍ للعرب والكل جاله مقرن بن متعب الهرف بنتٍ بسوق عكاظ تومي بيدها تحكي عن الماضي بكنا وكنا تحكي وتبدي للاوادم جهدها تقول وقت المجد حنا .. وحنا مقيم مرزوق السبيعي _ الرياض البنت لبست لباساً يحكي الماضي ويحكي ظروفن مضت مع دور الأجدادي يوم المتاعب ورد الحاض عن حاضي أيام كسب المعيشه كد و جهادي غازي بن قاعد العتيبي – الدوادمي يا سوق ياللي من قديم لك امجاد تفاخروا فيك المناعير شعار هو ملتقاهم يوم عهد الاسياد ثم جددوا عصرك طويلين الاشبار حمد عبدا لله الوايلي - حوطة سدير الطفله اللي جمله لبس الحلي ومناسبتها السوق عند الافتتاح من التراث اللي مضى تجملتي وسوق عكاظ ما حصل الا بكفاح محمد الأطرش- رياض الخبراء يابنت أنا بعطيك مني شهاده بزين اللباس اللي فخر من بلدنا زينك عظيم وزودتها القلاده بتراثنا اللي من أهلنا ورثنا محمد بندر السالمي - الرياض متمشلحٍ الزين بثوب الاجداد ينقل الماضي بصوره حميده ياليت لو يلبسونه الاحفاد بدال هالبيتين نكتب قصيده خيرالله طريف السويدي – حائل يا حي لبس الستر ياحي راعيه ياحي من ربا عليه البناتي هذا هو اللي ودك الناس تشريه ماهوب لبس الكاسيات العراتي مبارك غازي الغربي طفلة يازينها في زيها كم يذكرنا عصوراً ماضيات يا حلوها بالزي محلا لبسها والستر مطلوب في كل البنات ريان محمد الخنيفر - الرياض يا روعة الدنيا على بنية عسير تاقف شموخ بلبسها اللي زهاها دراعة من شافها عقله يطير ومن فوقها المشاكل زود حلاها خالد بن ناصر المخيمر اظن هذا لبس أهل الامارات مضى عليه من الزمن عدة سنين ملبوس ضافي للبني والمسنات قبل يجيب الغرب موضة فساتين سعود بن عبدالعزيز الهزاع - نعام اللبس شعبي أوفيه انقوش يستاهل الزي لبّاسه اتراثنا اصلي ولا مغشوش وعدونا نكتم أنفاسه عبدالكريم عبدالرحمن السلوم - القرائن منظر يعيد الماضي الأمل توشحت زيه النساء ظبه من الجازي الجافل متقلده ملبس الخنساء فريد علي آل زولان الفيفي - بيشة صورة العدد الماضي
