موت الأمانة يا زمن ضيع أحباب

للعيب درب وللمواجيب طلاب
وكل يعيش برغبته وبميوله
لو كنت أميز بين صادق وكذاب
كان الأمور الكايدات محلوله
ما كل شارب عن ذنوب الردى تاب
ولا كل رجل شال حمل الرجوله
رجل يشح ولا عرف سلم الاصحاب
ورجل لوجه الطيب بترك ذلوله
ما فيه ذنب ينحسب ماله أسباب
تبت أيدين ابليس والي سعوله
حتى الطفل من واقع المجتمع شاب
تلعثم اللسانه وعاف الطفوله
فلم الوفا كله مشاريه واعتاب
والكذب مثل فيه دور البطوله
موت الأمانة يازمن ضيع احباب
ماعاد باقي شي نقدر نقوله
لو كل قلب يحسب لذنبه احساب
ما يقبل الذنب العظيم بسهوله!!
عبدالمجيد بن جاسم العنزي