دام عزك بالبلاد الهنيه

الله البادي على كل شيّه
باسمه ابدأ بالقوافي قصيده
والتهاني من وطننا هديه
للملك نعطي عهود جديده
يا حبيب الشعب يا غلى البريه
مرحبا بالحاكم اللي نريده
حاكم نهج الصحابه نويّه
والسياسه سادها ما تسيده
عاش أبومتعب وقاد الرعيه
للسعاده والهقاوي بعيده
من شعوبك والشعوب الأبيه
التحيه للملك وآل عضيده
شعب واحد والروابط قويه
والعدو مخذول واهل المكيده
يا ملوك العز والنار حيه
ما طفت نار السعودي وقيده
لنتخو دون الوطن فيصليه
ترتخي للقاع روس عنيده
دام عزّك يا لبلاد الهنيه
بالشريعه والقياده رشيده
قالها من يفتخر بالهويه
موطني من نجد نجد المجيده
حشر بن عبدالمحسن بن حشر بن حميد