سلطان راع الطيب

وضيّق على صدري ونشّف وريده
العين عقبه ما لها بالرقادي
من يوم شفت العلم وسط الجريده
وفاة شيخٍ في المهمات جادي
شيخ الشيوخ اللي فعوله حميده
سلطان راع الطيب طلق الأيادي
أنا اشهد إنه في المواقف وليده
عم الحزن في أرجاء كل البلادي
والناس من فقده حزينه أكيده
اليوم في حزنه لبسنا الحدادي
والنار في وسط الضماير وقيده
وكل الدول والشعب بإسمه تنادي
سلطان راع الجود عمه وسيده
حرٍ شجاعٍ ما يهاب المعادي
له تجتمع كل الصفات المجيده
تبكيه بالأحزان حضر وبوادي
ويبكيه من صارت اظروفه عنيده
ويبكيه من ذاق القهر والسهادي
حلاّل عسرات الأمور المكيده
إمزبّن اللي شاف ضيم ونكادي
يشيل حملٍ ما تشيله بديده
يالله يالمعبود رب العبادي
يا واحدٍ يعلم خفايا عبيده
تجعل له الجنه مقرٍ وكادي
مع النبي والصحب وأهل العقيده
الشاعر- راشد القناص