أحداث الأيام

مريت بالدنيا علي وتعديت
مثل السحاب اللي سقى الكون وأقفى
يا ليت يوم إنك على الحي مريت
سمعت صوت اللي ترجاك تكفى
وارسلت بمزونك على الدار وأبطيت
لين الفواد اللي تعب منك يشفى
تعبت من شانك ولا عاد حسيت
كادت أخطاي من المشاوير تحفى
كأنك خذيت من الهوى شي وأعطيت
من علمك باخر لياليك تجفى
كنت أحسبك وافي(ن) يوم حبيت
لكن ظهر عكس الذي كان يخفى
ضربت في رمح الجفى لين سويت
جرح بقلبي غاير(ن) دوم يزفى
سرت بطريق البعد حتى تماديت
ولقيت لك غيري من الناس ملفى
ان جابتك سود الليالي ولي جيت
مركبك ما يلقى على السيف مرفى
أبي اتسلى دام عني تسليت
بواكر عتام أحداث الأيام تصفى