صوت الصورة

معقول يا ربعي يجي طفل ببريق
رديت مع غيري على بيض الأوراق
وش الذي جابه في الوسع للضيق
أخشى إلى طوَّل مع الوقت ينعاق
علي رشيد الرشيد
الطفل وسط ابريق بالوضع غلطان
ما يفهم المسكين وين السلامه
باكر يجي وسطه وبالماي مليان
لو كان فوق النار شافوا الندامه
محمد بن عبدالعزيز الخنيفر
على الشقى يا صغيِّر السن توّك
لا.. لا. تفاول تطبخ النفس ببريق
تحتاج له يغلي على جاك ضوّك
لا جولك أهل الطيب مع فكة الريق
فهد بن عقيل الطويان
طفلٍ تورط بوسط ابريق
اهمال واهله من اسبابه
يبي خروجه عسى ما يعيق
هذا خطر ومكشر انيابه
خليف الحربي - الرياض
ابداع راقي بالخزامى عهدناه
الطفل وسط ابريق متربع وسطه
يا صعب وضعيتك يا طفل صعباه
صعبٍ بوسط ابريق والله محطه
سعود عائش الحربي
لا واحسافه يا ابن عساف
حطيتوا الطفل فالغوري
ان كان تمثيل ماش خالف
والا ترى الوضع مخطوري
صالح عبدالله الجلعود
هذي صورة حقيقية ما هي مفبركه
توضح لنا الشقاوة عند بعض الأولاد
للصقر يحطون الحمامه وسط اشبكه
وللصورة حطوا الطفل وسط براد
محمد سعد القحطاني
طفلٍ شقي في داخل ابريق حطوه
يبون الفكه منه ويا لله السلامه
من شاف شكله قال يا هوه.. يا هوه
وش عاد لو بررت موقفك بابتسامه
خالد بن ناصر المخيمر
يا مقعد لك طفل بابريق كبير
وشلون صبر لك لين تقضي مصوره
وليش متمسك هو خايف به يطير
أو خايف يمشي ولا أحد يدوره
محمد بن صالح الأطرش - رياض الخبراء
الله موسَّعها لكل النَّاس
وشلون جالس بها لغوري
ذكَّرتني الصَّوص بالفقَّاس
من بيضته شايف النوري
عبدالكريم عبدالرحمن السلَّوم
ضاقت بك الدنيا معد به مكاني
إلا بريق الشاي يا طيب الفال
الله يجيرك من صدوف الزماني
بس انتبه.. يا طفل لا تعوّد أطفال
لطيفة محمد العبدالرحمن
نرحب بمشاركاتم الشعرية عبر الايميل الخاص بالخزامى
rb-khozama@alriyadh.com
زاوية (صوت الصورة)00 ويا هلا
صورة العدد