صوت الصورة

يا ناس والله لو تدرون
من هالذي يهدر المويه
سيارة المصلحه تكفون
وشلون شي تشوفونه
عبدالكريم عبدالرحمن السلوم
القرائن
ناس تهدر الماء وناس تمناه
والصوره اللي بالعدد تو شفناه
صادق في تعبيره والاحساس يبراه
أرض الجزيره عطشى والسيل ما جاه
عبدالمحسن بن محمد المحيسن
رياض الخبراء
راعي الونيت اللي قلص فيه خزان
يمشي بوسط الدرب ياشين ممشاه
يضيع مني القاف مع كل الاوزان
لا شفت مع هالقل من ضيعوا ماه
سعد الحماد
روضة سدير
الماء نماوكم من نفوس تمناه
وراعي الونيت يوزعه بالشوارع
ما يا جب التبذير والدين ينهاه
وابن جبر في صورته قلت بارع
محمد بن عبدالعزيز الخنيفر
أشيقر
ذي حارتي وأمشي على كيف كيفي
سكنتها والناس كبروا عليها
حذرا يجي واحد ولو كان ضيفي
أقطع رجوله وأبعده لو يجيها
عبدالكريم النغيمشي
الربيعة
أقفا يجر القلص في وسط شارع
موتر ونيت وسابقه عامل البين
يابن جبر قلي وش الراي سارع
هذي عماله تكسب ألفين وألفين
حمد عبدالله الوايلي
حوطة سدير
على عفشك وين أنت غادي
الناس عودت وأنت توك تروح
توك نويت تروح لرض البرادي
يا الله عسى دربك يا رب مسموح
فهد الماجد
ثادق
يا خوك وقف طالع الماء يهوتر
حرام تمشي وأنت ما تنتبه له
نرفع اكفوف نطلب الله ونوتر
يغيثنا بالخير وكلن سجد له
صالح عبدالعزيز السويح
روضة سدير
حوض الونيت انحط خصّيص للعفش
وش هو لزوم يجر للعفش نقاله
إن وقف وابطى ترى جره الونش
الله يسهل له ويستر على حاله
سعود عائش الحربي
جدة
سلام الله على اللي حمل اغراضه على الفكسار
سياحه داخليه في ربوع بلاده الغالي
ترى الفرجه على آثار البلد تجلب لنا أفكار
تذكرنا بأهلنا يا جماعه والله الوالي
علي الغنام
ثادق
نيتك بتغرّق بذى الماي ضبان
الراويه مربوطه باخر الباب
وعاقبك ربي ومحبسك صار خربان
والما هدر من خلف موترك ينساب
سعود عبدالعزيز الهزاع
نعام
نرحب بمشاركاتكم الشعرية حتى مساء الاثنين على الفاكس رقم 4871070أو الايميل الخاص بصفحة الخزامى:
khozama@alriyadh.com
زاوية: (صورت الصورة).. ويا هلا