عودتك لنا سالم فرحة كبيرة

تباشري بالفرح يا اقطار الجزيره
ابوخالد رجع لنا بالسلامه
اشعلنا شموع الفرح بكل ديره
ابتهجنا والحزن طردنا ظلامه
بعودة وزير الدفاع واميره
سلطان الكرم وذروة سنامه
ابوالجود اللي مشبع خيره
كل ارامل الوطن وايتامه
ابوخالد روض نفحة عبيره
بلسم يعيد للحزين الابتسامه
نرفع الايادي مع كل تكبيره
وندعي لك بين الاذان والاقامه
الله يلبسك ثوب الصحة والستيره
تلبسها لبس الثوب والعمامه
الارض والشعب والجيش ياوزيره
ترحب من عرعر لساحل تهامه
ياسيدي نرحب افراد وعشيره
ونعلن لكم الولاء ليوم القيامه
عودتك لنا سالم فرحه كبيره
يفرح بها اللى مابعد كمل فطامه
ياسيدي ياعضود الملك وشويره
الله فطركم (عالتقى) والاستقامه
ياسيدي حنا لكم عتاد وذخيره
دروع بيوم يثور عسامه
جنود الوطن بظل قايد المسيره
ابومتعب الله يمدد ايامه
ابومتعب ولد صقر الجزيره
في الجنة الله يخلد عظامه
وهو صقر العروبة ولاغيره
احد يشبهه ولايقرب لمقامه
زعيم وحكيم الامور الخطيره
وعلى غيره ماتليق الزعامه
محمد سعد الجروي القحطاني