عودتنا بالخير يا بو العوايد

وعلى النبي مني صلاة وسلامه
المملكة تفرح بشوفتك عايد
بعد السفر ترجع لها بالسلامه
يا مرحبا بك يا صدوق الوعايد
ترحيبةٍ فيها الوفاء وابتسامه
يا مرحبا مليون مره وزايد
عداد من زار الحرم في إحرامه
انت الزعيم انت البطل انت قايد
قايد مسيرتنا وذروة سنامه
عودتنا بالخير يا بو العوايد
وعطيتنا من نجد ماه وطعامه
وعطيتنا من جود جودك فوايد
وهذا من الله وانت راع الكرامه
ومديتنا بالخير والخير عايد
من يوم ابو متعب تولى الزعامه
انت الذي تصمد نهار الشدايد
ترسي كما ترسي شوامخ تهامه
ما يحصي أمجادك مديح وقصايد
وابوك من قبلك وتحمل وسامه
ابوك راع الكايدات الكوايد
عبدالعزيز الله يرحم عظامه
قالوه قبلي حاملين الشهايد
نهار ابو تركي رمى بالعمامه
كبر على عجلان للصيد صايد
ذاك النهار اللي تجلا عسامه
من بعدها ساد الامن والفوايد
والنور ساطع وأنجلي يا غمامه
من الخرج للهضبة ليا بدع زايد
ومن الكويت وغرب لين الرغامه
تلقا بني عمي جموع وفرايد
والكل منهم عدته في حزامه
أبشر بنا لا قيل يا أهل العوايد
جندك وتحت أمرك بحب وكرامه
قاله جعيدي قالها بالوكايد
من هضبة آل جعيد يعرف مقامه
أقولها وأعلن بها بالجرايد
وعيباً على الرجال يخلف كلامه
واختم بذكر الله بعد القصايد
وعلى النبي مني صلاة وسلامه
الشاعر- علي بن محمد عايض الجعيدي