بحر جدة

يا الساحل الغربي ويا بحر جده
بالله سلملي على قرة عيوني
وقله ترى مغليك قد باح سده
من يوم غبت وعاشقك حيل محزوني
وقله ترى ما غيره أحد يوده
ولا يبي غيرك من الناس مظنوني
وقله ترى صبري وصل لين حده
وكثر البطى لا زاد زود جنوني
القلب كن الهم عقبك يهده
ما كنه ألا بين الظلاع مطعوني
يلي مكان صعب غيرك يسده
يا أعذب قصيدي وأصدق إحساس وشجوني
يلي الحرير يذوب من لمس يده
ويلي بريح الورد والزين معجوني
وأنا ادعي الله كل يومن يرده
وكحل عقب غيبته والله عيوني
ناصر المنصور