لأجل الدين والديره حياتك مرخص فيها

على محمد ابن نايف سلام مجمله عرفان
من حروف الشعر بنقدمه بسمى معانيها
تباشير السعد صوب السماء والأرض والوديان
تباشير الملا من عند قاصيها ودانيها
لعينك يا محمد ياابن نايف تنجلي الأحزان
تقوم الناس تتباشر لأنك حيل تغليها
لأن الطيب في ذاتك تشرع للعدو بيبان
تقول أهلين يالتايب وهو أحقاد يخفيها
لأن الطيب في ذاتك حصل للي يبي عدوان
نهاية تشمله والله جميع الناس حاميها
وقاك الله من العله جعل لأهل العدا خسران
لأن الغانمه للناس لأجل الله تبديها
تقول إرهاب ما يرهب احمانا للعدا فرسان
ظلام الناس حنا بالفكر لازم نضويها
خيول المجد بأفكارك على العليا تشد عنان
سطع شمس الحقيقه للوطن بأكمل ضواحيها
سيوف الشر في هذا الوطن تلقا لها حرمان
دروع الحق رادعة دوافعها وأمانيها
سقى الله جرح مسلم ناشد من يسقي الظميان
ظمى جرح اليتامى وأنت فعلك دوم مسقيها
تبسم يا سليل المجد لأنك قايد الميدان
شموخك بالوطن دايم يبي يخزي معاديها
غدا جفن الحقيقة للوطن يا سيدي سهران
عيونه ساهره دايم وخير أخبار ينبيها
يزورك سيد العفه ملكنا مالك الإحسان
تحمد لك وقال الجاهله خابت مساعيها
عدو معثور يا محمد وهذا بالعدو نقصان
لأجل الدين والديرة حياتك مرخص فيها
يطيب الأمر بأمر الله ومن حام الوطن لا هان
رجال الدار لأهل الدار طايبة هقاويها
حمى الله دارنا لأنه على السنه على القرآن
على الإسلام تسري دارنا هذي مباديها
عليك الله وأمان الله على فعل فدى الأوطان
تقول الناس نحميها ونحمي بعد أراضيها
تقول المعركة دايم بفوز بموعده لا حان
وانا يا كود بالهيات قايدها وضاريها
ظلال الناس لأهل الدار بتقدم لها برهان
تقول النار ما تحرق سوى رجلين واطيها
سلمت ومن يبي بك يا محمد بالهوان يهان
وصمت اللازمه والحق تسعى له وتحييها