جعلك من الشر مأمون

بسلام يا مير. سهيره عيونه
على الوطن وأمنه وشعبه وينامون
سلام أحلا من روايح امزونه
لا هل ماه وبارقه له يخيلون
وسيله على كل الدير يذكرونه
فرحو به أهل الدور واللي يشدون
عداد حرف بالقلم يكتبونه
وعداد ما مالت من أثمارها غصون
هذا ونظم القاف طابت لحونه
بسلامتك يامير من غدر مجنون
المجرم اللي جاك تضحك أسنونه
بالغدر والحيله عَكَس ما تظنون
واحاط به كيده بدافع أجنونه
نصرٍ لكم يامير وانتم تشوفون
حفظكم اللي بالرخا تحفظونه
واليوم بالشده بحفظه تفوزون
سلامةٍ دايم ولا لك مهونه
يااميرنا جعلك عن الشرّ مأمون
ياامير بعض الناس لا تأمنونه
إيعاهد أهل الدار يامير ويخون
غلو مع تكفير عشّاق خونه
خوارج عن صف الأمه يشذون
أنتم يابن نايف للاسلام عونه
لو قالوا اهل الشين مهما يقولون
سيرو بحفظ الله واللي تبونه
من شعبكم. لكم بالأرواح يفدون
عهد مضامنّا علينا نصونه
والحق لأصحابه ترى النصر مضمون
أنتم حماة الدار وأنتم حصونه
الله يخليكم لنا دوم تبقون